June 22, 2021

ರಾತ್ರಿಯೆಲ್ಲಾ ವಾಟ್ಸಪ್ ನಲ್ಲಿ ಹರಿದಾಡಿದ ಆಕ್ಸಿಡೆಂಟ್ ಕಥೆ ಏನಾಯ್ತು..!?

ಹಾವೇರಿ – ಅದು ರಾತ್ರಿ ಎಂಟು ಗಂಟೆ ಸುಮಾರು, ಜಿಲ್ಲೆಯ ಎಲ್ಲಾ ವಾಟ್ಸಪ್ ಗ್ರೂಪ್ ನಲ್ಲಿ ಅಗಡಿ ಗ್ರಾಮದ ಬಳಿ ಬೈಕ್ ಅಪಘಾತ ಆಗಿದೆ ಆಂತಾ, ವಾಯ್ಸ್ ಮೆಸೇಜ್ ಜೊತೆಗೆ ನಾಲ್ಕು ಪೋಟೋ ಗಳು ಹರಿದಾಡಿದ್ದವು. ಹಾವೇರಿಯ ಜಿಲ್ಲೆಯ ಜನರು ಹಾಗೂ ಪೊಲೀಸ್ ರು ರಾತ್ರಿ ಯೆಲ್ಲಾ ಹುಡುಕಾಡಿದ್ದರು.  ಹಾವೇರಿ ತಾಲ್ಲೂಕು ಅಗಡಿ ಗ್ರಾಮದ ಬಳಿ ಪೊಲೀಸರು ಹಾಗೂ ಜನರು ಹೋಗಿ ಚೆಕ್ ಮಾಡಿದ್ದರೂ, ಅಪಘಾತ ಸುಳಿವು ಸಿಕ್ಕಿರಲಿಲ್ಲ.

ಹಾಗಾದರೆ ಅಪಘಾತ ಆಗಿದ್ದು ಏಲ್ಲಿ!?
ನಿಂತ ಲಾರಿಗೆ ಬೈಕ್ ಡಿಕ್ಕಿ ಹೊಡೆದ ಪರಿಣಾಮ ಬೈಕ್ ಸವಾರ ಮೃತಪಟ್ಟ ಘಟನೆ ಮುಂಡಗೋಡ ತಾಲ್ಲೂಕು ಅಗಡಿ ಗ್ರಾಮದಲ್ಲಿ ನಡೆದಿದೆ.

ಮೃತ ಉಪತಹಶೀಲ್ದಾರ ವಿಜಯಕುಮಾರ್ ಶೆಟ್ಟಪ್ಪನವರ್ ೫೪ ವರ್ಷ ವಯಸ್ಸು ಎಂದು ಗುರುತಿಸಲಾಗಿದೆ.

ಇಂಡಿಕೇಟರ್ ಮತ್ತು ಬ್ರೇಕ್ ಲೈಟ್‌ ಹಾಕದೇ ಲಾರಿ ನಿಲ್ಲಿಸಿದ್ದೇ ಅಪಘಾತಕ್ಕೆ ಕಾರಣ ಎನ್ನಲಾಗಿದೆ. ಮೃತ ಉಪತಹಶೀಲ್ದಾರ ವಿಜಯಕುಮಾರ್ ಕಚೇರಿ ಕೆಲಸ ಮುಗಿಸಿಕೊಂಡು ಮುಂಡಗೋಡದಿಂದ ತಮ್ಮ ಕಲಘಟಗಿಗೆ ಹೋಗುತ್ತಿದ್ದರು ಎನ್ನಲಾಗಿದೆ.

Share this News
error: Content is protected !!